unheñ bhī jiine ke kuchh tajrabe hue hoñge

jo kah rahe haiñ ki mar jaanā chāhte haiñ ham

unhen bhi jine ke kuchh tajrabe hue honge

jo kah rahe hain ki mar jaana chahte hain hum

cigareteñ chaa.e dhuāñ raat ga.e tak bahseñ

aur koī phuul sā āñchal kahīñ nam hotā hai

cigareten chae dhuan raat gae tak bahsen

aur koi phul sa aanchal kahin nam hota hai

ishq bin jiine ke ādāb nahīñ aate haiñ

'mīr' sāhab ne kahā hai ki miyāñ ishq karo

ishq bin jine ke aadab nahin aate hain

'mir' sahab ne kaha hai ki miyan ishq karo

ham ḳhuun kī qisteñ to ka.ī de chuke lekin

ai ḳhāk-e-vatan qarz adā kyuuñ nahīñ hotā

hum KHun ki qisten to kai de chuke lekin

ai KHak-e-watan qarz ada kyun nahin hota

aaj tak jo bhī huā us ko bhulā denā hai

aaj se tai hai ki dushman ko duā denā hai

aaj tak jo bhi hua us ko bhula dena hai

aaj se tai hai ki dushman ko dua dena hai