tum logo.n ne mujh ko chho.D diyaa

tum logoñ ne mujh ko chhoḌ diyā

ai 'aql ke putlo ai syāno

aur tum se maiñ aap hī duur rahā

ai pāgalo mūrkho dīvāno

maiñ syānā nahīñ dīvāna nahīñ

mujhe paas tumhāre aanā nahīñ

jab raat utartī hai jag meñ

maiñ chāñd ko giit sunātā huuñ

aur sub.h ko chiTTe bādaloñ kī

sangat meñ nrit dikhātā huuñ

ye baat to mujh se nā hogī

hāthoñ ko bāñdhe hoñT siye

baiThā rahūñ aur din biit chukeñ

mire baal hoñ kaale se dhaule

ai 'aql ke putlo ai syāno

ai pāgalo mūrkho dīvāno

tum logon ne mujh ko chhoD diya

ai 'aql ke putlo ai syano

aur tum se main aap hi dur raha

ai pagalo murkho diwano

main syana nahin diwana nahin

mujhe pas tumhaare aana nahin

jab raat utarti hai jag mein

main chand ko git sunata hun

aur subh ko chiTTe baadalon ki

sangat mein nrit dikhata hun

ye baat to mujh se na hogi

hathon ko bandhe honT siye

baiTha rahun aur din bit chuken

mere baal hon kale se dhaule

ai 'aql ke putlo ai syano

ai pagalo murkho diwano