faujii daste abhii tak kuuch kar rahe hai.n

faujī daste abhī tak kuuch kar rahe haiñ

un kī manzil aur un ke safar meñ baḌe lambe fāsle haiñ

mauhūm kī ummīd bhī nahīñ

jaise ek tavīl be-sāya rāhguzar

istirāhat meñ

un ke dahan ke kināroñ se raal bahtī hai

aañsū rone se sivā qayāmat Dhāte haiñ

jin kā iz.hār safhoñ meñ ho nahīñ saktā

fareb-zada hoñToñ par

ham dekh sakte haiñ ummīd ke TukḌe

jaise vo luqmoñ ke daane

jo unhoñ ne āḳhirī baar jald-bāzī meñ khaa.e the

raat ke aate hī vo maidānoñ meñ darāz ho jaate haiñ

har koī apnā hī saaya oḌh letā hai

jo un kā ham-zād hai jaise jangal apne pattoñ meñ ḳhvābīda

fauji daste abhi tak kuch kar rahe hain

un ki manzil aur un ke safar mein baDe lambe fasle hain

mauhum ki ummid bhi nahin

jaise ek tawil be-saya rahguzar

istirahat mein

un ke dahan ke kinaron se ral bahti hai

aansu rone se siwa qayamat Dhate hain

jin ka izhaar safhon mein ho nahin sakta

fareb-zada honTon par

hum dekh sakte hain ummid ke TukDe

jaise wo luqmon ke dane

jo unhon ne aaKHiri bar jald-bazi mein khae the

raat ke aate hi wo maidanon mein daraaz ho jate hain

har koi apna hi saya oDh leta hai

jo un ka ham-zad hai jaise jangal apne patton mein KHwabida