german me.n ek yahuudii goristaan

ek chhoTī sī pahāḌī par zarḳhez khetoñ ke biich ek chhoTā goristān darāz hai

zang-ālūd gate ke pīchhe yahūdī goristān jhāḌiyoñ se chhupā huā

farāmosh-karda aur ojhal

yahāñ se koī āvāz du'ā aur na mātam kī sadā aatī hai

ḳhudā ke liye koī kalima-e-ḳhair na marhūm ke liye du'ā-e-ḳhair

sirf hamāre bachchoñ kī āvāzeñ gūñjtī haiñ

qabroñ ko khojte shādmān

har daf'a ek mil hī jaatī hai jaise jangal meñ kukur-mutā

jaise jañglī berī

yahāñ ek aur bhī qabr hai merī naanī ke naam kī qabr

pichhlī sadī kā ek naam yahāñ ek naam hai vahāñ ek naam

aur maiñ bas naam par se kaa.ī jhaaḌ hī rahā thā

dekho katbe par ek khulā ḳhat kanda hai

ek peshvā kī qabr

hathelī kī uñgliyāñ phailī huiiñ pākīza aur du'ā.eñ detī huiiñ

yahāñ ek aur qabr beriyoñ se aTī huī

use bhī uñgliyoñ se shāna karnā hogā

jaise hasīn mā'shūq kā zholīda-mū chehra

ek chhoTi si pahaDi par zarKHez kheton ke bich ek chhoTa goristan daraaz hai

zang-alud gate ke pichhe yahudi goristan jhaDiyon se chhupa hua

faramosh-karda aur ojhal

yahan se koi aawaz du'a aur na matam ki sada aati hai

KHuda ke liye koi kalima-e-KHair na marhum ke liye du'a-e-KHair

sirf hamare bachchon ki aawazen gunjti hain

qabron ko khojte shadman

har daf'a ek mil hi jati hai jaise jangal mein kukur-muta

jaise jangli beri

yahan ek aur bhi qabr hai meri nani ke nam ki qabr

pichhli sadi ka ek nam yahan ek nam hai wahan ek nam

aur main bas nam par se kai jhaD hi raha tha

dekho katbe par ek khula KHat kanda hai

ek peshwa ki qabr

hatheli ki ungliyan phaili huin pakiza aur du'aen deti huin

yahan ek aur qabr beriyon se aTi hui

use bhi ungliyon se shana karna hoga

jaise hasin ma'shuq ka zholida-mu chehra