hame.n itnaa jazbaatii nahii.n honaa hai

hameñ itnā jazbātī nahīñ honā hai

mutarjim jazbāt se mamlū nahīñ ho jaatā

chup-chāp apne alfāz hameñ ek nasl se dūsrī nasl muntaqil karnā hai

nā-dānista ek zabān se dūsroñ ke laboñ tak

jaise baap muntaqil kartā hai apne marhūm jad ke ḳhadd-o-ḳhāl

apne beTe ko vo sirf ek vasīla hotā hai

vo ḳhud un sā nahīñ hotā

hameñ vo sab yaad rakhnā hogā jo kabhī hamāre hāthoñ meñ thā

jo hamāre haath se phisal gayā

kyā kyā hamāre iḳhtiyār meñ thā aur kyā kyā hamāre iḳhtiyār se nikal gayā

hameñ itnā jazbātī nahīñ honā hai

pukārne vaale aur jinheñ pukārā gayā vo sab ġharq hue

yā vaqt-e-hijr merā mahbūb chand alfāz de gayā

ki maiñ use yaad rakhūñ

hameñ jo kahā gayā vo dūsre kahne vāloñ ko na kahnā hogā

ḳhāmoshī iḳhtiyār kareñ

hameñ jazbātī nahīñ honā hai

hamein itna jazbaati nahin hona hai

mutarjim jazbaat se mamlu nahin ho jata

chup-chap apne alfaz hamein ek nasl se dusri nasl muntaqil karna hai

na-danista ek zaban se dusron ke labon tak

jaise bap muntaqil karta hai apne marhum jad ke KHadd-o-KHal

apne beTe ko wo sirf ek wasila hota hai

wo KHud un sa nahin hota

hamein wo sab yaad rakhna hoga jo kabhi hamare hathon mein tha

jo hamare hath se phisal gaya

kya kya hamare iKHtiyar mein tha aur kya kya hamare iKHtiyar se nikal gaya

hamein itna jazbaati nahin hona hai

pukarne wale aur jinhen pukara gaya wo sab gharq hue

ya waqt-e-hijr mera mahbub chand alfaz de gaya

ki main use yaad rakhun

hamein jo kaha gaya wo dusre kahne walon ko na kahna hoga

KHamoshi iKHtiyar karen

hamein jazbaati nahin hona hai