یہیں عشق ہم نے کیا

میرا باپ ان چار جنگوں میں شامل رہا

لیکن وہ دشمن سے پیار کر سکا اور نہ ہی نفرت

مجھے معلوم ہے وہ وہاں پہلے سے موجود تھا

اس کا پر سکون انداز مجھے ہر دن تشکیل کرتا رہا

وہ اتنے کم تھے

وہ انہیں دبوچ سکتا تھا

بم اور دھوئیں کے درمیاں

انہیں پھٹے پرانے تھیلے میں ڈال سکتا تھا

ان باقیات کے ساتھ

جس میں ماں کی سوکھی روٹیاں تھیں

بے نام لاشوں کو اس نے اپنی آنکھوں میں جمع کیا

کتنے ہی مردے میرے لئے اکٹھا کیے

کہ میں ان سے پیار کروں

ان کی نظر سے پہچانا جاؤں

اور ان کی طرح خوف لئے نہ مروں

اپنی آنکھوں میں اس نے ان سبھی کو سمو لیا

اس نے غلطی کی

مجھے اپنی ساری جنگوں میں خود ہی جانا ہوگا