Today's top 5 Urdu Shayari

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

kyā kahūñ us se ki jo baat samajhtā hī nahīñ

vo to milne ko mulāqāt samajhtā hī nahīñ

kya kahun us se ki jo baat samajhta hi nahin

wo to milne ko mulaqat samajhta hi nahin

mohabbat kī sazā tark-e-mohabbat

mohabbat kā yahī in.aam bhī hai

mohabbat ki saza tark-e-mohabbat

mohabbat ka yahi inam bhi hai

mohabbat karne vaale dard meñ tanhā nahīñ hote

jo rūThoge kabhī mujh se to apnā dil dukhāoge

mohabbat karne wale dard mein tanha nahin hote

jo ruThoge kabhi mujh se to apna dil dukhaoge

ḳhud ko bikharte dekhte haiñ kuchh kar nahīñ paate haiñ

phir bhī log ḳhudāoñ jaisī bāteñ karte haiñ

KHud ko bikharte dekhte hain kuchh kar nahin pate hain

phir bhi log KHudaon jaisi baaten karte hain