Today's top 5 Urdu Shayari

ḳhud ko bikharte dekhte haiñ kuchh kar nahīñ paate haiñ

phir bhī log ḳhudāoñ jaisī bāteñ karte haiñ

KHud ko bikharte dekhte hain kuchh kar nahin pate hain

phir bhi log KHudaon jaisi baaten karte hain

mirī apnī aur us kī aarzū meñ farq ye thā

mujhe bas vo use saarā zamāna chāhiye thā

meri apni aur us ki aarzu mein farq ye tha

mujhe bas wo use sara zamana chahiye tha

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se

ġhairoñ se kahā tum ne ġhairoñ se sunā tum ne

kuchh ham se kahā hotā kuchh ham se sunā hotā

ghairon se kaha tum ne ghairon se suna tum ne

kuchh hum se kaha hota kuchh hum se suna hota