Today's top 5 Urdu Shayari

shadīd pyaas thī phir bhī chhuā na paanī ko

maiñ dekhtā rahā dariyā tirī ravānī ko

shadid pyas thi phir bhi chhua na pani ko

main dekhta raha dariya teri rawani ko

kyā kahūñ us se ki jo baat samajhtā hī nahīñ

vo to milne ko mulāqāt samajhtā hī nahīñ

kya kahun us se ki jo baat samajhta hi nahin

wo to milne ko mulaqat samajhta hi nahin

donoñ jahān terī mohabbat meñ haar ke

vo jā rahā hai koī shab-e-ġham guzār ke

donon jahan teri mohabbat mein haar ke

wo ja raha hai koi shab-e-gham guzar ke

zahr mīThā ho to piine meñ mazā aatā hai

baat sach kahiye magar yuuñ ki haqīqat na lage

zahr miTha ho to pine mein maza aata hai

baat sach kahiye magar yun ki haqiqat na lage

un kā jo farz hai vo ahl-e-siyāsat jāneñ

merā paiġhām mohabbat hai jahāñ tak pahuñche

un ka jo farz hai wo ahl-e-siyasat jaanen

mera paigham mohabbat hai jahan tak pahunche