Today's top 5 Urdu Shayari

'shād' ġhair-mumkin hai shikva-e-butāñ mujh se

maiñ ne jis se ulfat kī us ko bā-vafā paayā

'shad' ghair-mumkin hai shikwa-e-butan mujh se

main ne jis se ulfat ki us ko ba-wafa paya

na jaane kis kī hameñ umr bhar talāsh rahī

jise qarīb se dekhā vo dūsrā niklā

na jaane kis ki hamein umr bhar talash rahi

jise qarib se dekha wo dusra nikla

uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

musāfiroñ se mohabbat kī baat kar lekin

musāfiroñ kī mohabbat kā e'tibār na kar

musafiron se mohabbat ki baat kar lekin

musafiron ki mohabbat ka e'tibar na kar

tasadduq is karam ke maiñ kabhī tanhā nahīñ rahtā

ki jis din tum nahīñ aate tumhārī yaad aatī hai

tasadduq is karam ke main kabhi tanha nahin rahta

ki jis din tum nahin aate tumhaari yaad aati hai