ٹاپ 5 اردو شاعری| ریختہ

دل کے پھپھولے جل اٹھے سینے کے داغ سے

اس گھر کو آگ لگ گئی گھر کے چراغ سے

مہتاب رائے تاباں

تیز اتنا ہی اگر چلنا ہے تنہا جاؤ تم

بات پوری بھی نہ ہوگی اور گھر آ جائے گا

عاصم واسطی

راز سر بستہ ہے محفل تیری

جو سمجھ لے گا وہ تنہا ہوگا

باقی صدیقی

اے خزاں بھاگ جا چمن سے شتاب

ورنہ فوج بہار آوے ہے

شیخ ظہور الدین حاتم

دیوار خستگی ہوں مجھے ہاتھ مت لگا

میں گر پڑوں گا دیکھ مجھے آسرا نہ دے

اسلم انصاری

آج کے منتخب ۵ شعر