Today's top 5 Urdu Shayari

mire junūñ kā natīja zarūr niklegā

isī siyāh samundar se nuur niklegā

mere junun ka natija zarur niklega

isi siyah samundar se nur niklega

shikast-e-zindagī vaise bhī maut hī hai nā

tū sach batā ye mulāqāt āḳhrī hai nā

shikast-e-zindagi waise bhi maut hi hai na

tu sach bata ye mulaqat aaKHri hai na

zindagī kyā hue vo apne zamāne vaale

yaad aate haiñ bahut dil ko dukhāne vaale

zindagi kya hue wo apne zamane wale

yaad aate hain bahut dil ko dukhane wale

uTho ye manzar-e-shab-tāb dekhne ke liye

ki niiñd shart nahīñ ḳhvāb dekhne ke liye

uTho ye manzar-e-shab-tab dekhne ke liye

ki nind shart nahin KHwab dekhne ke liye

tū mohabbat se koī chaal to chal

haar jaane kā hausla hai mujhe

tu mohabbat se koi chaal to chal

haar jaane ka hausla hai mujhe