Today's top 5 Urdu Shayari

na paak hogā kabhī husn o ishq kā jhagḌā

vo qissa hai ye ki jis kā koī gavāh nahīñ

na pak hoga kabhi husn o ishq ka jhagDa

wo qissa hai ye ki jis ka koi gawah nahin

hazār ruḳh tire milne ke haiñ na milne meñ

kise firāq kahūñ aur kise visāl kahūñ

hazar ruKH tere milne ke hain na milne mein

kise firaq kahun aur kise visal kahun

kyā kahūñ us se ki jo baat samajhtā hī nahīñ

vo to milne ko mulāqāt samajhtā hī nahīñ

kya kahun us se ki jo baat samajhta hi nahin

wo to milne ko mulaqat samajhta hi nahin

irāde bāñdhtā huuñ sochtā huuñ toḌ detā huuñ

kahīñ aisā na ho jaa.e kahīñ aisā na ho jaa.e

irade bandhta hun sochta hun toD deta hun

kahin aisa na ho jae kahin aisa na ho jae

jin se insāñ ko pahuñchtī hai hamesha taklīf

un kā da.avā hai ki vo asl ḳhudā vaale haiñ

jin se insan ko pahunchti hai hamesha taklif

un ka dawa hai ki wo asl KHuda wale hain