Today's top 5 Urdu Shayari

ākāsh kī hasīn fazāoñ meñ kho gayā

maiñ is qadar uḌā ki ḳhalāoñ meñ kho gayā

aakash ki hasin fazaon mein kho gaya

main is qadar uDa ki KHalaon mein kho gaya

kaun hai jo nahīñ hai hājat-mand

kis kī hājat ravā kare koī

kaun hai jo nahin hai hajat-mand

kis ki hajat rawa kare koi

bahut udaas thā us din magar huā kyā thā

har ek baat bhalī thī to phir burā kyā thā

bahut udas tha us din magar hua kya tha

har ek baat bhali thi to phir bura kya tha

roz tāroñ ko numā.ish meñ ḳhalal paḌtā hai

chāñd pāgal hai añdhere meñ nikal paḌtā hai

roz taron ko numaish mein KHalal paDta hai

chand pagal hai andhere mein nikal paDta hai

mushkil ko samajhne kā vasīla nikal aatā

tum baat to karte koī rasta nikal aatā

mushkil ko samajhne ka wasila nikal aata

tum baat to karte koi rasta nikal aata