Today's top 5 Urdu Shayari

ai sham.a tujh pe raat ye bhārī hai jis tarah

maiñ ne tamām umr guzārī hai is tarah

ai shama tujh pe raat ye bhaari hai jis tarah

main ne tamam umr guzari hai is tarah

har ḳhudā jannatoñ meñ hai mahdūd

koī sansār tak nahīñ pahuñchā

har KHuda jannaton mein hai mahdud

koi sansar tak nahin pahuncha

dasht kī dhuup hai jañgal kī ghanī rāteñ haiñ

is kahānī meñ bahr haal ka.ī bāteñ haiñ

dasht ki dhup hai jangal ki ghani raaten hain

is kahani mein bahr haal kai baaten hain

auroñ kī burā.ī ko na dekhūñ vo nazar de

haañ apnī burā.ī ko parakhne kā hunar de

auron ki burai ko na dekhun wo nazar de

han apni burai ko parakhne ka hunar de

ham to tamām umr tirī hī adā rahe

ye kyā huā ki phir bhī hamīñ bevafā rahe

hum to tamam umr teri hi ada rahe

ye kya hua ki phir bhi hamin bewafa rahe