ٹاپ 5 اردو شاعری| ریختہ

کچھ اس طرح سے لٹی ہے متاع دیدہ و دل

کہ اب کسی سے بھی ذکر وفا نہیں کرتے

احمد ریاض

ہم کو اس کی کیا خبر گلشن کا گلشن جل گیا

ہم تو اپنا صرف اپنا آشیاں دیکھا کیے

حسن نجمی سکندرپوری

وطن کی سر زمیں سے عشق و الفت ہم بھی رکھتے ہیں

کھٹکتی جو رہے دل میں وہ حسرت ہم بھی رکھتے ہیں

جوشؔ ملسیانی

قسمت تو دیکھ ٹوٹی ہے جا کر کہاں کمند

کچھ دور اپنے ہاتھ سے جب بام رہ گیا

قائم چاندپوری

کہنے کے لیے ہم بھی زباں رکھتے ہیں لیکن

یہ ظرف ہمارا ہے کہ ہم کچھ نہیں کہتے

صدیق فتح پوری

آج کے منتخب ۵ شعر