Today's top 5 Urdu Shayari

vaqt ke qadr-dāñ kī nazroñ meñ

zindagī muḳhtasar nahīñ hotī

waqt ke qadr-dan ki nazron mein

zindagi muKHtasar nahin hoti

chupke chupke raat din aañsū bahānā yaad hai

ham ko ab tak āshiqī kā vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

aah ye mahkī huī shāmeñ ye logoñ ke hujūm

dil ko kuchh biitī huī tanhā.iyāñ yaad aa ga.iiñ

aah ye mahki hui shamen ye logon ke hujum

dil ko kuchh biti hui tanhaiyan yaad aa gain

nazar meñ duur talak rahguzar zarūrī hai

kisī bhī samt ho lekin safar zarūrī hai

nazar mein dur talak rahguzar zaruri hai

kisi bhi samt ho lekin safar zaruri hai

tū bhī saada hai kabhī chaal badaltā hī nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain