Today's top 5 Urdu Shayari

apnī hālat kā ḳhud ehsās nahīñ hai mujh ko

maiñ ne auroñ se sunā hai ki pareshān huuñ maiñ

apni haalat ka KHud ehsas nahin hai mujh ko

main ne auron se suna hai ki pareshan hun main

umr guzrī davā.eñ karte 'mīr'

dard-e-dil kā huā na chāra hanūz

umr guzri dawaen karte 'mir'

dard-e-dil ka hua na chaara hanuz

sadā aish daurāñ dikhātā nahīñ

gayā vaqt phir haath aatā nahīñ

sada aish dauran dikhata nahin

gaya waqt phir hath aata nahin

tere ḳhayāl ke dīvār-o-dar banāte haiñ

ham apne ghar meñ bhī terā hī ghar banāte haiñ

tere KHayal ke diwar-o-dar banate hain

hum apne ghar mein bhi tera hi ghar banate hain

aañkh meñ aañsū kā aur dil meñ lahū kā kaal hai

hai tamannā kā vahī jo zindagī kā haal hai

aankh mein aansu ka aur dil mein lahu ka kal hai

hai tamanna ka wahi jo zindagi ka haal hai