kabhi the chor ghunDon ke baDe sardar murghi ke

kabhī the chor ġhunDoñ ke baḌe sardār murġhī ke

bane phirte haiñ ab to qaum ke ġham-ḳhvār murġhī ke

uḌā kartī thī motor jab se haare haiñ election meñ

nazar aate haiñ paidal hī sar-e-bāzār murġhī ke

hameñ talqīn aalū bājrā khāne kī hai lekin

kiyā karte haiñ makkhan toast se iftār murġhī ke

kiyā karte haiñ vā'de to hazāroñ vote se pahle

magar lagte haiñ karne baa'd meñ inkār murġhī ke

zabāñ kachchī hai in kī ye batānā hai bahut mushkil

ki kar baiTheñge kab inkār kab iqrār murġhī ke

ġharībī kyā miTā.eñge ġharīboñ ko miTā deñge

kiyā karte haiñ kaale dhan kā ḳhud byopār murġhī ke

agar pūchheñ to ye hazrat panama wills māñgeñge

magar piite haiñ ghar meñ chaar hī mīnār murġhī ke

nasīhat apnī party se vafādārī kī hai lekin

girā kar ḳhud banāyā karte haiñ sarkār murġhī ke

zarūrat bhūkī jantā ko faqat ration kī hai lekin

diyā karte haiñ bhāshan hī sar-e-bāzār murġhī ke

bane kal tak savārī ik savārī vaale rikshe kā

uḌāte phir rahe haiñ aaj fiat car murġhī ke

har ik din jabki udghāTan se un kā vāsta Thahrā

manā.eñ kyoñ nahīñ har roz hī itvār murġhī ke

pachā jaate haiñ kaise saat murġhoñ ko bhī rozāna

ta'ajjub hai nahīñ paḌte kabhī bīmār murġhī ke

chhaTā haiñ fail ai 'jauhar' magar hāthoñ meñ english kā

hamesha le ke chalte haiñ koī aḳhbār murġhī ke

kabhi the chor ghunDon ke baDe sardar murghi ke

bane phirte hain ab to qaum ke gham-KHwar murghi ke

uDa karti thi motor jab se haare hain election mein

nazar aate hain paidal hi sar-e-bazar murghi ke

hamein talqin aalu bajra khane ki hai lekin

kiya karte hain makkhan toast se iftar murghi ke

kiya karte hain wa'de to hazaron wote se pahle

magar lagte hain karne ba'd mein inkar murghi ke

zaban kachchi hai in ki ye batana hai bahut mushkil

ki kar baiThenge kab inkar kab iqrar murghi ke

gharibi kya miTaenge gharibon ko miTa denge

kiya karte hain kale dhan ka KHud byopar murghi ke

agar puchhen to ye hazrat panama wills mangenge

magar pite hain ghar mein chaar hi minar murghi ke

nasihat apni party se wafadari ki hai lekin

gira kar KHud banaya karte hain sarkar murghi ke

zarurat bhuki janta ko faqat ration ki hai lekin

diya karte hain bhashan hi sar-e-bazar murghi ke

bane kal tak sawari ek sawari wale rikshe ka

uDate phir rahe hain aaj fiat car murghi ke

har ek din jabki udghaTan se un ka wasta Thahra

manaen kyon nahin har roz hi itwar murghi ke

pacha jate hain kaise sat murghon ko bhi rozana

ta'ajjub hai nahin paDte kabhi bimar murghi ke

chhaTa hain fail ai 'jauhar' magar hathon mein english ka

hamesha le ke chalte hain koi aKHbar murghi ke