sāhil pe log yūñhī khaḌe dekhte rahe

dariyā meñ ham jo utre to dariyā utar gayā

sahil pe log yunhi khaDe dekhte rahe

dariya mein hum jo utre to dariya utar gaya

phir na.ī hijrat koī darpesh hai

ḳhvāb meñ ghar dekhnā achchhā nahīñ

phir nai hijrat koi darpesh hai

KHwab mein ghar dekhna achchha nahin

aap ke jaate hī ham ko lag ga.ī āvārgī

aap ke jaate hī ham se ghar nahīñ dekhā gayā

aap ke jate hi hum ko lag gai aawargi

aap ke jate hi hum se ghar nahin dekha gaya

tum apne aks meñ kyā dekhte ho

tumhārā aks bhī tum sā nahīñ hai

tum apne aks mein kya dekhte ho

tumhaara aks bhi tum sa nahin hai

karbalā meñ ruḳh-e-asġhar kī taraf

tiir chalte nahīñ dekhe jaate

karbala mein ruKH-e-asghar ki taraf

tir chalte nahin dekhe jate