sach ke saude meñ na paḌnā ki ḳhasārā hogā

jo huā haal hamārā so tumhārā hogā

sach ke saude mein na paDna ki KHasara hoga

jo hua haal hamara so tumhaara hoga

dil se uThtā hai sub.h-o-shām dhuāñ

koī rahtā hai is makāñ meñ abhī

dil se uThta hai subh-o-sham dhuan

koi rahta hai is makan mein abhi

ye jitne mas.ale haiñ mashġhale haiñ sab farāġhat ke

na tum be-kār baiThe ho na ham be-kār baiThe haiñ

ye jitne masale hain mashghale hain sab faraghat ke

na tum be-kar baiThe ho na hum be-kar baiThe hain

dete nahīñ sujhā.ī jo duniyā ke ḳhatt-o-ḳhāl

aa.e haiñ tīrgī meñ magar raushnī se ham

dete nahin sujhai jo duniya ke KHatt-o-KHal

aae hain tirgi mein magar raushni se hum

paap karo jī khol kar dhabboñ kī kyā soch

jab jī chāhā dho liye gañgā-jal ke saath

pap karo ji khol kar dhabbon ki kya soch

jab ji chaha dho liye ganga-jal ke sath