shikva kiyā zamāne kā to us ne ye kahā

jis haal meñ ho zinda raho aur ḳhush raho

shikwa kiya zamane ka to us ne ye kaha

jis haal mein ho zinda raho aur KHush raho

khulī zabān to zarf un kā ho gayā zāhir

hazār bhed chhupā rakkhe the ḳhamoshī meñ

khuli zaban to zarf un ka ho gaya zahir

hazar bhed chhupa rakkhe the KHamoshi mein

ḳhaak huuñ lekin sarāpā nuur hai merā vajūd

is zamīñ par chāñd sūraj kā numā.inda huuñ maiñ

KHak hun lekin sarapa nur hai mera wajud

is zamin par chand suraj ka numainda hun main

jāgtī aañkh se jo ḳhvāb thā dekhā 'anvar'

us kī ta.abīr mujhe dil ke jalāne se milī

jagti aankh se jo KHwab tha dekha 'anwar'

us ki tabir mujhe dil ke jalane se mili

koī bhī pechīdgī haa.el nahīñ anvar-'sadīd'

zindagī hai sāmne manzar-ba-manzar aur maiñ

koi bhi pechidgi hael nahin anwar-'sadid'

zindagi hai samne manzar-ba-manzar aur main