khulī na mujh pe bhī dīvāngī mirī barsoñ

mire junūn kī shohrat tire bayāñ se huī

khuli na mujh pe bhi diwangi meri barson

mere junun ki shohrat tere bayan se hui

mirī mailī hathelī par to bachpan se

ġharībī kā kharā sonā chamaktā hai

meri maili hatheli par to bachpan se

gharibi ka khara sona chamakta hai

na chāñd ne kiyā raushan mujhe na sūraj ne

to maiñ jahāñ meñ munavvar huā to kaise huā

na chand ne kiya raushan mujhe na suraj ne

to main jahan mein munawwar hua to kaise hua

na jaane kaisā samundar hai ishq kā jis meñ

kisī ko dekhā nahīñ Duub ke ubharte hue

na jaane kaisa samundar hai ishq ka jis mein

kisi ko dekha nahin Dub ke ubharte hue

usī taraf hai zamāna bhī aaj mahv-e-safar

'farāġh' maiñ ne jidhar se guzarnā chāhā thā

usi taraf hai zamana bhi aaj mahw-e-safar

'faragh' main ne jidhar se guzarna chaha tha

bhuul ga.e har vāqi.a bas itnā hai yaad

māl-o-zar par thī khaḌī rishtoñ kī buniyād

bhul gae har waqia bas itna hai yaad

mal-o-zar par thi khaDi rishton ki buniyaad

kaise apne pyaar ke sapne hoñ sākār

tere mere biich hai maz.hab kī dīvār

kaise apne pyar ke sapne hon sakar

tere mere bich hai mazhab ki diwar

nafrat ke sansār meñ kheleñ ab ye khel

ik ik insāñ joḌ ke ban jaa.eñ ham rail

nafrat ke sansar mein khelen ab ye khel

ek ek insan joD ke ban jaen hum rail