کوئی ٹھہرتا نہیں یوں تو وقت کے آگے

مگر وہ زخم کہ جس کا نشاں نہیں جاتا

مسئلہ یہ ہے کہ اس کے دل میں گھر کیسے کریں

درمیاں کے فاصلے کا طے سفر کیسے کریں

تھے اس کے ہاتھ لہو میں ہمارے غرق مگر

ذرا بھی شرم نہ آئی اسے مکرتے ہوئے

ہر روز دکھائی دیں سب لوگ وہیں لیکن

جب ڈھونڈنے نکلیں تو ملتا ہی نہیں کوئی

جسم کے اندر جو سورج تپ رہا ہے

خون بن جائے تو پھر ٹھنڈا کریں گے

یہ اور بات کہ وہ تشنۂ جواب رہا

سوال اس کا مگر گونجتا فضا میں تھا

حجاب اس کے مرے بیچ اگر نہیں کوئی

تو کیوں یہ فاصلۂ درمیاں نہیں جاتا

اس راز کے باطن تک پہنچا ہی نہیں کوئی

کیوں لوٹ کے گھر اپنے آیا ہی نہیں کوئی