ham log to aḳhlāq bhī rakh aa.e haiñ 'sāhil'

raddī ke isī Dher meñ ādāb paḌe the

hum log to aKHlaq bhi rakh aae hain 'sahil'

raddi ke isi Dher mein aadab paDe the

guzar rahī hai jo dil par vahī haqīqat hai

ġham-e-jahāñ kā fasāna ġham-e-hayāt se pūchh

guzar rahi hai jo dil par wahi haqiqat hai

gham-e-jahan ka fasana gham-e-hayat se puchh

ḳhvāb dekhā thā mohabbat kā mohabbat kī qasam

phir isī ḳhvāb kī tābīr meñ masrūf thā maiñ

KHwab dekha tha mohabbat ka mohabbat ki qasam

phir isi KHwab ki tabir mein masruf tha main

bas ek ḳhauf thā zinda tirī judā.ī kā

mirā vo āḳhirī dushman bhī aaj maarā gayā

bas ek KHauf tha zinda teri judai ka

mera wo aaKHiri dushman bhi aaj mara gaya

tum maslahat kaho yā munāfiq kaho mujhe

dil meñ magar ġhubār bahut der tak rahā

tum maslahat kaho ya munafiq kaho mujhe

dil mein magar ghubar bahut der tak raha