bas ek ḳhauf thā zinda tirī judā.ī kā

mirā vo āḳhirī dushman bhī aaj maarā gayā

bas ek KHauf tha zinda teri judai ka

mera wo aaKHiri dushman bhi aaj mara gaya

guzar rahī hai jo dil par vahī haqīqat hai

ġham-e-jahāñ kā fasāna ġham-e-hayāt se pūchh

guzar rahi hai jo dil par wahi haqiqat hai

gham-e-jahan ka fasana gham-e-hayat se puchh

ham log to aḳhlāq bhī rakh aa.e haiñ 'sāhil'

raddī ke isī Dher meñ ādāb paḌe the

hum log to aKHlaq bhi rakh aae hain 'sahil'

raddi ke isi Dher mein aadab paDe the

maiñ tamāshā huuñ tamāshā.ī haiñ chāroñ jānib

sharm hai sharm ke maare nahīñ ro saktā maiñ

main tamasha hun tamashai hain chaaron jaanib

sharm hai sharm ke mare nahin ro sakta main

raushnī kī agar alāmat hai

raakh uḌtī hai kyuuñ sharāre par

raushni ki agar alamat hai

rakh uDti hai kyun sharare par