na.e safar kī lazzatoñ se jism o jaañ ko sar karo

safar meñ hoñgī barkateñ safar karo safar karo

nae safar ki lazzaton se jism o jaan ko sar karo

safar mein hongi barkaten safar karo safar karo

ek maiñ huuñ aur dastak kitne darvāzoñ pe duuñ

kitnī dahlīzoñ pe sajda ek peshānī kare

ek main hun aur dastak kitne darwazon pe dun

kitni dahlizon pe sajda ek peshani kare

matlab ke liye haiñ na ma.ānī ke liye haiñ

ye sher tabī.at kī ravānī ke liye haiñ

matlab ke liye hain na maani ke liye hain

ye sher tabiat ki rawani ke liye hain