یہ کیسا نشہ ہے میں کس عجب خمار میں ہوں تو آ کے جا بھی چکا ہے، میں انتظار میں ہوں

کسی کو اپنے عمل کا حساب کیا دیتے سوال سارے غلط تھے جواب کیا دیتے

عادت ہی بنا لی ہے تم نے تو منیرؔ اپنی جس شہر میں بھی رہنا اکتائے ہوئے رہنا

ہستی ہی اپنی کیا ہے زمانے کے سامنے اک خواب ہیں جہاں میں بکھر جائیں ہم تو کیا

مدت کے بعد آج اسے دیکھ کر منیرؔ اک بار دل تو دھڑکا مگر پھر سنبھل گیا

محبت اب نہیں ہوگی یہ کچھ دن بعد میں ہوگی گزر جائیں_گے جب یہ دن یہ ان کی یاد میں ہوگی

آ گئی یاد شام ڈھلتے ہی بجھ گیا دل چراغ جلتے ہی کھل گئے شہر_غم کے دروازے اک ذرا سی ہوا کے چلتے ہی کون تھا تو کہ پھر نہ دیکھا تجھے مٹ گیا خواب آنکھ ملتے ہی خوف آتا ہے اپنے ہی گھر سے ماہ_شب_تاب کے نکلتے ہی تو بھی جیسے بدل سا جاتا ہے عکس_دیوار کے بدلتے ہی خون سا لگ گیا ہے ہاتھوں میں چڑھ گیا زہر گل مسلتے ہی

بے_خیالی میں یوں_ہی بس اک ارادہ کر لیا اپنے دل کے شوق کو حد سے زیادہ کر لیا جانتے تھے دونوں ہم اس کو نبھا سکتے نہیں اس نے وعدہ کر لیا میں نے بھی وعدہ کر لیا غیر سے نفرت جو پا لی خرچ خود پر ہو گئی جتنے ہم تھے ہم نے خود کو اس سے آدھا کر لیا شام کے رنگوں میں رکھ کر صاف پانی کا گلاس آب_سادہ کو حریف_رنگ_بادہ کر لیا ہجرتوں کا خوف تھا یا پر_کشش کہنہ مقام کیا تھا جس کو ہم نے خود دیوار_جادہ کر لیا ایک ایسا شخص بنتا جا رہا ہوں میں منیرؔ جس نے خود پر بند حسن و جام و بادہ کر لیا

شاید کوئی دیکھنے والا ہو جائے حیران کمرے کی دیواروں پر کوئی نقش بنا کر دیکھ

لاکھوں شکلوں کے میلے میں تنہا رہنا میرا کام بھیس بدل کر دیکھتے رہنا تیز ہواؤں کا کہرام ایک طرف آواز کا سورج ایک طرف اک گونگی شام ایک طرف جسموں کی خوشبو ایک طرف اس کا انجام بن گیا قاتل میرے لیے تو اپنی ہی نظروں کا دام سب سے بڑا ہے نام خدا کا اس کے بعد ہے میرا نام