dekho to har baġhal meñ hai daftar dabā huā

aḳhbār meñ jo chhāpnā chāho ḳhabar nahīñ

dekho to har baghal mein hai daftar daba hua

aKHbar mein jo chhapna chaho KHabar nahin

jo ek pal ke liye ḳhud badal nahīñ sakte

ye kah rahe haiñ ki saarā jahāñ badal Daalo

jo ek pal ke liye KHud badal nahin sakte

ye kah rahe hain ki sara jahan badal Dalo

lālach kī nazar kaun kisī shaḳhs ko dekhe

āñkhoñ ke vare ḳhaak hai āñkhoñ ke pare ḳhaak

lalach ki nazar kaun kisi shaKHs ko dekhe

aankhon ke ware KHak hai aankhon ke pare KHak

mānind-e-qais ret na sahrā kī chhāniye

kis ko milī hai kis kī ḳhabar raqs kījiye

manind-e-qais ret na sahra ki chhaniye

kis ko mili hai kis ki KHabar raqs kijiye

ye bhī kyā kam hai basīrat kī nazar hāsil huī

dostoñ ne kī jo tujh se dushmanī mātam na kar

ye bhi kya kam hai basirat ki nazar hasil hui

doston ne ki jo tujh se dushmani matam na kar