aa.egī har taraf se havā dastakeñ liye

ūñchā makāñ banā ke bahut khiḌkiyāñ na rakh

aaegi har taraf se hawa dastaken liye

uncha makan bana ke bahut khiDkiyan na rakh

rakh dī hai us ne khol ke ḳhud jism kī kitāb

saada varaq pe le koī manzar utaar de

rakh di hai us ne khol ke KHud jism ki kitab

sada waraq pe le koi manzar utar de

jī chāhtā hai haath lagā kar bhī dekh leñ

us kā badan qabā hai ki us kī qabā badan

ji chahta hai hath laga kar bhi dekh len

us ka badan qaba hai ki us ki qaba badan

ek añgḌā.ī se saare shahr ko niiñd aa ga.ī

ye tamāshā maiñ ne dekhā baam par hotā huā

ek angDai se sare shahr ko nind aa gai

ye tamasha main ne dekha baam par hota hua

usī ke zikr se ham shahr meñ hue badnām

vo ek shaḳhs ki jis se hamārī bol na chaal

usi ke zikr se hum shahr mein hue badnam

wo ek shaKHs ki jis se hamari bol na chaal

bahut lambī masāfat hai badan kī

musāfir mubtadī thakne lagā hai

bahut lambi masafat hai badan ki

musafir mubtadi thakne laga hai

lafz chhin jaa.eñ magar tahrīr ho raushan jahāñ

hoñT hoñ ḳhāmosh lekin guftugū baaqī rahe

lafz chhin jaen magar tahrir ho raushan jahan

honT hon KHamosh lekin guftugu baqi rahe

dil-e-tabāh kī īzā-parastiyāñ ma.alūm

jo dastaras meñ na ho us kī justujū karnā

dil-e-tabah ki iza-parastiyan malum

jo dastaras mein na ho us ki justuju karna

maiñ bhī talāsh-e-āb-e-havas meñ niklā huuñ

shor sunā thā ik chashme ke ubalne kā

main bhi talash-e-ab-e-hawas mein nikla hun

shor suna tha ek chashme ke ubalne ka

ho rahā hai pas-e-dīvār bhī kuchh

jaane kyā kartā hai karne vaalā

ho raha hai pas-e-diwar bhi kuchh

jaane kya karta hai karne wala

kaheñ haiñ reḳhta punjab meñ nazar-sāhib

ba-qadr-e-zauq tum un kī suno huā so huā

kahen hain reKHta punjab mein nazar-sahib

ba-qadr-e-zauq tum un ki suno hua so hua