jaane kis kī aas lagī hai jaane kis ko aanā hai

koī rail kī siiTī sun kar sote se uTh jaatā hai

jaane kis ki aas lagi hai jaane kis ko aana hai

koi rail ki siTi sun kar sote se uTh jata hai

pahlā patthar yaad hamesha rahtā hai

dukh se dil ābād hamesha rahtā hai

pahla patthar yaad hamesha rahta hai

dukh se dil aabaad hamesha rahta hai

ye umr bhar kā safar hai isī sahāre par

ki vo khaḌā hai abhī dūsre kināre par

ye umr bhar ka safar hai isi sahaare par

ki wo khaDa hai abhi dusre kinare par

ḳhvāb tumhāre aate haiñ

niiñd uḌā le jaate haiñ

KHwab tumhaare aate hain

nind uDa le jate hain

kaisā jhūTā sahārā hai ye dukh se aañkh churāne kā

koī kisī kā haal sunā kar apnā-āp chhupātā hai

kaisa jhuTa sahaara hai ye dukh se aankh churane ka

koi kisi ka haal suna kar apna-ap chhupata hai

dekho aisā ajab musāfir phir kab lauT ke aatā hai

dariyā us ko rasta de kar aaj talak pachhtātā hai

dekho aisa ajab musafir phir kab lauT ke aata hai

dariya us ko rasta de kar aaj talak pachhtata hai

dekho aisā ajab musāfir phir kab lauT ke aatā hai

dariyā us ko rasta de kar aaj talak pachhtātā hai

dekho aisa ajab musafir phir kab lauT ke aata hai

dariya us ko rasta de kar aaj talak pachhtata hai