kaun sā jurm ḳhudā jaane huā hai sābit

mashvare kartā hai munsif jo gunahgār ke saath

kaun sa jurm KHuda jaane hua hai sabit

mashware karta hai munsif jo gunahgar ke sath

aaj rakkhe haiñ qadam us ne mirī chaukhaT par

aaj dahlīz mirī chhat ke barābar huī hai

aaj rakkhe hain qadam us ne meri chaukhaT par

aaj dahliz meri chhat ke barabar hui hai

ham aadmī kī tarah jī rahe haiñ sadiyoñ se

chalo 'salīm' ab insān ho ke dekhte haiñ

hum aadmi ki tarah ji rahe hain sadiyon se

chalo 'salim' ab insan ho ke dekhte hain

apne jiine ke ham asbāb dikhāte haiñ tumheñ

dosto aao ki kuchh ḳhvāb dikhāte haiñ tumheñ

apne jine ke hum asbab dikhate hain tumhein

dosto aao ki kuchh KHwab dikhate hain tumhein

ab zamīnoñ ko bichhā.e ki falak ko oḌhe

muflisī to bharī barsāt meñ be-ghar huī hai

ab zaminon ko bichhae ki falak ko oDhe

muflisi to bhari barsat mein be-ghar hui hai