āñkhoñ par apnī rakh kar sāhil kī āstīñ ko

ham dil ke Dūbne par aañsū bahā rahe haiñ

aankhon par apni rakh kar sahil ki aastin ko

hum dil ke Dubne par aansu baha rahe hain

kahāñ haiñ aaj vo sham-e-vatan ke parvāne

bane haiñ aaj haqīqat unhīñ ke afsāne

kahan hain aaj wo sham-e-watan ke parwane

bane hain aaj haqiqat unhin ke afsane

kyuuñ dhyān baTātī hai mirā gardish-e-duniyā

haT jā ki na farq aa.e mirī laġhzish-e-pā meñ

kyun dhyan baTati hai mera gardish-e-duniya

haT ja ki na farq aae meri laghzish-e-pa mein

ye ek laḌī ke sab chhiTke hue motī haiñ

ka.abe hī kī shāḳheñ haiñ bikhre hue but-ḳhāne

ye ek laDi ke sab chhiTke hue moti hain

kabe hi ki shaKHen hain bikhre hue but-KHane

zarb-ul-masal haiñ ab mirī mushkil-pasandiyāñ

suljhā ke har girah ko phir uljhā rahā huuñ maiñ

zarb-ul-masal hain ab meri mushkil-pasandiyan

suljha ke har girah ko phir uljha raha hun main