عاشق پر اشعار

چل ساتھ کہ حسرت دل مرحوم سے نکلے

عاشق کا جنازہ ہے ذرا دھوم سے نکلے

انوکھی وضع ہے سارے زمانے سے نرالے ہیں

یہ عاشق کون سی بستی کے یارب رہنے والے ہیں

دکھاوا ہی کرنا ہے تو پھر بڑا کر

تو شاعر نہیں خود کو عاشق کہا کر

یہ عاشقی ترے بس کی نہیں سو رہنے دے

کہ تیرا کام تو بس نا سپاس ہونا ہے

آنکھوں کے گلابی ڈوروں میں اک کیف سا پایا جاتا ہے

مے خوار محبت ہوش میں آ ساقی کی نظر ہے جام نہیں

تیرا عاشق تیرے قدموں سے لپٹ جائے گا

روٹھنے والے تجھے آج منانے کے لئے

وائے عاشق ناداں کائنات یہ تیری

اک شکستہ شیشے کو دل بنائے بیٹھا ہے