aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Ayaadat

Poetry for visiting

the sick has an interesting and humorous aspect. An afflicted lover wants his beloved to visit him and waits until the sickness reaches a boiling point. Yet, the indifferent beloved does not visit the lover. This character can only be synonymous of a lover who waits for his/her beloved while faking illness hundreds of times. Apart from this aspect, there are more amusing articles about poetry written for vising the sick. Here are a few good selections for you to read.

pūchh lete vo bas mizāj mirā

kitnā āsān thā ilaaj mirā

puchh lete wo bas mizaj mera

kitna aasan tha ilaj mera

Fahmi Badayuni

aaj us ne hañs ke yuuñ pūchhā mizāj

umr bhar ke ranj-o-ġham yaad aa ga.e

aaj us ne hans ke yun puchha mizaj

umr bhar ke ranj-o-gham yaad aa gae

Ehsan Danish

apnī zabāñ se kuchh na kaheñge chup raheñge āshiq log

tum se to itnā ho saktā hai pūchho haal bechāroñ

apni zaban se kuchh na kahenge chup hi rahenge aashiq log

tum se to itna ho sakta hai puchho haal bechaaron ka

Ibn e Insha

dekhne aa.e the vo apnī mohabbat asar

kahne ko ye hai ki aa.e haiñ ayādat kar ke

dekhne aae the wo apni mohabbat ka asar

kahne ko ye hai ki aae hain ayaadat kar ke

Hasrat Mohani

aate haiñ ayādat ko to karte haiñ nasīhat

ahbāb se ġham-ḳhvār huā bhī nahīñ jaatā

aate hain ayaadat ko to karte hain nasihat

ahbab se gham-KHwar hua bhi nahin jata

Fani Badayuni

tandurustī se to behtar thī mirī bīmārī

vo kabhī pūchh to lete the ki haal achchhā hai

tandurusti se to behtar thi meri bimari

wo kabhi puchh to lete the ki haal achchha hai

Hafeez Jaunpuri

ayādat ko mirī aa kar vo ye tākīd karte haiñ

tujhe ham maar Dāleñge nahīñ to jald achchhā ho

ayaadat ko meri aa kar wo ye takid karte hain

tujhe hum mar Dalenge nahin to jald achchha ho

Dagh Dehlvi

aayā na ek baar ayādat ko masīh

sau baar maiñ fareb se bīmār ho chukā

aaya na ek bar ayaadat ko tu masih

sau bar main fareb se bimar ho chuka

Ameer Minai

aane lage haiñ vo bhī ayādat ke vāste

ai chārāgar marīz ko achchhā kiyā na jaa.e

aane lage hain wo bhi ayaadat ke waste

ai chaaragar mariz ko achchha kiya na jae

Hameed Jalandhari

bahr-e-ayādat aa.e vo lekin qazā ke saath

dam nikal gayā mirā āvāz-e-pā ke saath

bahr-e-ayaadat aae wo lekin qaza ke sath

dam hi nikal gaya mera aawaz-e-pa ke sath

Momin Khan Momin

ayādat hotī jaatī hai ibādat hotī jaatī hai

mire marne dekho sab ko aadat hotī jaatī hai

ayaadat hoti jati hai ibaadat hoti jati hai

mere marne ki dekho sab ko aadat hoti jati hai

Meena Kumari Naz

aan ke is bīmār ko dekhe tujh ko bhī taufīq huī

lab par us ke naam thā terā jab bhī dard shadīd huā

aan ke is bimar ko dekhe tujh ko bhi taufiq hui

lab par us ke nam tha tera jab bhi dard shadid hua

Ibn e Insha

ik baar aur merī ayādat ko aa.iye

achchhī tarah se maiñ abhī achchhā huā nahīñ

ek bar aur meri ayaadat ko aaiye

achchhi tarah se main abhi achchha hua nahin

Hakim Fasihuddin Ranj

vo ayādat ko to aayā thā magar jaate hue

apnī tasvīreñ bhī kamre se uThā kar le gayā

wo ayaadat ko to aaya tha magar jate hue

apni taswiren bhi kamre se uTha kar le gaya

Arsh Siddiqui

kaun aatā hai ayādat ke liye dekheñ 'farāġh'

apne ko zarā nā-sāz kiye dete haiñ

kaun aata hai ayaadat ke liye dekhen 'faragh'

apne ji ko zara na-saz kiye dete hain

Faragh Rohvi

jab na thā zabt to kyuuñ aa.e ayādat ke liye

tum ne kaahe ko mirā hāl-e-pareshāñ dekhā

jab na tha zabt to kyun aae ayaadat ke liye

tum ne kahe ko mera haal-e-pareshan dekha

Hafeez Jaunpuri

vo ayādat ke liye aa.e haiñ lo aur sahī

aaj ḳhūbī-e-taqdīr se haal achchhā hai

wo ayaadat ke liye aae hain lo aur sahi

aaj hi KHubi-e-taqdir se haal achchha hai

Unknown

kabhū bīmār sun kar vo ayādat ko to aatā thā

hameñ apne bhale hone se vo āzār behtar thā

kabhu bimar sun kar wo ayaadat ko to aata tha

hamein apne bhale hone se wo aazar behtar tha

Shaikh Zahuruddin Hatim

vo ayādat ko na aayā kareñ maiñ dar guzrā

hāl-e-dil pūchh ke aur aag lagā jaate haiñ

wo ayaadat ko na aaya karen main dar guzra

haal-e-dil puchh ke aur aag laga jate hain

Lala Madhav Ram Jauhar

ek din pūchhā na 'hātim' ko kabhū us ne ki dost

kab se bīmār hai aur kyā tujhe āzār hai

ek din puchha na 'hatim' ko kabhu us ne ki dost

kab se tu bimar hai aur kya tujhe aazar hai

Shaikh Zahuruddin Hatim

le merī ḳhabar chashm mire yaar kyūñ-kar

bīmār ayādat kare bīmār kyūñ-kar

le meri KHabar chashm mere yar ki kyun-kar

bimar ayaadat kare bimar ki kyun-kar

Taban Abdul Hai

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now