جلوہ پر اشعار

عشق کا ذوق نظارہ مفت میں بدنام ہے

حسن خود بے تاب ہے جلوہ دکھانے کے لیے

اس پہ قربان کہ جس نے تری آواز سنی

صدقے اس آنکھ کے جس نے ترا جلوہ دیکھا

کیا کلیم کو ارمان دید نے رسوا

دکھا کے جلوۂ پروردگار تھوڑا سا

پردے میں وہ تو چھپ گئے دکھلا کے اک جھلک

میں پیچ و تاب میں رہا دن بھر تمام رات

مسلمؔ کو ہے اب ایسے ہی جلوے کی تمنا

وہ جلوہ جو کعبے کو بھی بت خانہ بنا دے

آپ ہوں جلوہ نما رات کو مہتابی پر

ہم بھی تو دیکھیں کہ کیوں کر مہ تاباں نکلے

اب بھی کوہ طور پر گویا زبان حال سے

ہے کوئی اور اس کے جلوے کا تمنائی کہ بس