Today's top 5 Urdu Shayari

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum

ishq meñ bū hai kibriyā.ī kī

āshiqī jis ne kī ḳhudā.ī kī

ishq mein bu hai kibriyai ki

aashiqi jis ne ki KHudai ki

ik baar us ne mujh ko dekhā thā muskurā kar

itnī to hai haqīqat baaqī kahāniyāñ haiñ

ek bar us ne mujh ko dekha tha muskura kar

itni to hai haqiqat baqi kahaniyan hain

in añdheroñ se pare is shab-e-ġham se aage

ik na.ī sub.h bhī hai shām-e-alam se aage

in andheron se pare is shab-e-gham se aage

ek nai subh bhi hai sham-e-alam se aage

jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate