Today's top 5 Urdu Shayari

dil ābād kahāñ rah paa.e us kī yaad bhulā dene se

kamra vīrāñ ho jaatā hai ik tasvīr haTā dene se

dil aabaad kahan rah pae us ki yaad bhula dene se

kamra viran ho jata hai ek taswir haTa dene se

bichhaḌne kā irāda hai to mujh se mashvara kar lo

mohabbat meñ koī bhī faisla zaatī nahīñ hotā

bichhaDne ka irada hai to mujh se mashwara kar lo

mohabbat mein koi bhi faisla zati nahin hota

anjām-e-vafā ye hai jis ne bhī mohabbat kī

marne kī duā māñgī jiine kī sazā paa.ī

anjam-e-wafa ye hai jis ne bhi mohabbat ki

marne ki dua mangi jine ki saza pai

ġham se bikhrā na pā.emāl huā

maiñ to ġham se hī be-misāl huā

gham se bikhra na paemal hua

main to gham se hi be-misal hua

ek hī shai thī ba-andāz-e-digar māñgī thī

maiñ ne bīnā.ī nahīñ tujh se nazar māñgī thī

ek hi shai thi ba-andaz-e-digar mangi thi

main ne binai nahin tujh se nazar mangi thi