Today's top 5 Urdu Shayari

musāfiroñ se mohabbat kī baat kar lekin

musāfiroñ kī mohabbat kā e'tibār na kar

musafiron se mohabbat ki baat kar lekin

musafiron ki mohabbat ka e'tibar na kar

kaun sī jā hai jahāñ jalva-e-māshūq nahīñ

shauq-e-dīdār agar hai to nazar paidā kar

kaun si ja hai jahan jalwa-e-mashuq nahin

shauq-e-didar agar hai to nazar paida kar

bas ik jhijak hai yahī hāl-e-dil sunāne meñ

ki terā zikr bhī aa.egā is fasāne meñ

bas ek jhijak hai yahi haal-e-dil sunane mein

ki tera zikr bhi aaega is fasane mein

hazāroñ kaam mohabbat meñ haiñ maze ke 'dāġh'

jo log kuchh nahīñ karte kamāl karte haiñ

hazaron kaam mohabbat mein hain maze ke 'dagh'

jo log kuchh nahin karte kamal karte hain

dil ābād kahāñ rah paa.e us kī yaad bhulā dene se

kamra vīrāñ ho jaatā hai ik tasvīr haTā dene se

dil aabaad kahan rah pae us ki yaad bhula dene se

kamra viran ho jata hai ek taswir haTa dene se