Today's top 5 Urdu Shayari

ik roz chhīn legī hamīñ se zamīñ hameñ

chhīneñge kyā zamīñ ke ḳhazāne zamīñ se ham

ek roz chhin legi hamin se zamin hamein

chhinenge kya zamin ke KHazane zamin se hum

ham to tamām umr tirī hī adā rahe

ye kyā huā ki phir bhī hamīñ bevafā rahe

hum to tamam umr teri hi ada rahe

ye kya hua ki phir bhi hamin bewafa rahe

'hafīz' apnī bolī mohabbat kī bolī

na urdu na hindī na hindostānī

'hafiz' apni boli mohabbat ki boli

na urdu na hindi na hindostani

ġharaz ki kaaT diye zindagī ke din ai dost

vo terī yaad meñ hoñ yā tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

ham se koī ta.alluq-e-ḳhātir to hai use

vo yaar bā-vafā na sahī bevafā to hai

hum se koi talluq-e-KHatir to hai use

wo yar ba-wafa na sahi bewafa to hai