Today's top 5 Urdu Shayari

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pahle is mein ek ada thi naz tha andaz tha

ruThna ab to teri aadat mein shamil ho gaya

rone vaale tujhe rone kā salīqa hī nahīñ

ashk piine ke liye haiñ ki bahāne ke liye

rone wale tujhe rone ka saliqa hi nahin

ashk pine ke liye hain ki bahane ke liye

'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla

milne kī tarah mujh se vo pal bhar nahīñ miltā

dil us se milā jis se muqaddar nahīñ miltā

milne ki tarah mujh se wo pal bhar nahin milta

dil us se mila jis se muqaddar nahin milta