Today's top 5 Urdu Shayari

kyā ho gayā ise ki tujhe dekhtī nahīñ

jī chāhtā hai aag lagā duuñ nazar ko maiñ

kya ho gaya ise ki tujhe dekhti nahin

ji chahta hai aag laga dun nazar ko main

sāmne hai jo use log burā kahte haiñ

jis ko dekhā hī nahīñ us ko ḳhudā kahte haiñ

samne hai jo use log bura kahte hain

jis ko dekha hi nahin us ko KHuda kahte hain

uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

mohabbat kī to koī had, koī sarhad nahīñ hotī

hamāre darmiyāñ ye fāsle, kaise nikal aa.e

mohabbat ki to koi had, koi sarhad nahin hoti

hamare darmiyan ye fasle, kaise nikal aae

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se