Today's top 5 Urdu Shayari

ham jis pe mar rahe haiñ vo hai baat hī kuchh aur

aalam meñ tujh se laakh sahī tū magar kahāñ

hum jis pe mar rahe hain wo hai baat hi kuchh aur

aalam mein tujh se lakh sahi tu magar kahan

unheñ apne dil kī ḳhabreñ mire dil se mil rahī haiñ

maiñ jo un se ruuTh jā.ūñ to payām tak na pahuñche

unhen apne dil ki KHabren mere dil se mil rahi hain

main jo un se ruTh jaun to payam tak na pahunche

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

zindagī kyā hue vo apne zamāne vaale

yaad aate haiñ bahut dil ko dukhāne vaale

zindagi kya hue wo apne zamane wale

yaad aate hain bahut dil ko dukhane wale

vo baat saare fasāne meñ jis kā zikr na thā

vo baat un ko bahut nā-gavār guzrī hai

wo baat sare fasane mein jis ka zikr na tha

wo baat un ko bahut na-gawar guzri hai