Sher on Zarb-ul-masal

maiñ bhī bahut ajiib huuñ itnā ajiib huuñ ki bas

ḳhud ko tabāh kar liyā aur malāl bhī nahīñ

main bhi bahut ajib hun itna ajib hun ki bas

KHud ko tabah kar liya aur malal bhi nahin

un ke dekhe se jo aa jaatī hai muñh par raunaq

vo samajhte haiñ ki bīmār kā haal achchhā hai

un ke dekhe se jo aa jati hai munh par raunaq

wo samajhte hain ki bimar ka haal achchha hai

zindagī zinda-dilī kā hai naam

murda-dil ḳhaak jiyā karte haiñ

zindagi zinda-dili ka hai nam

murda-dil KHak jiya karte hain

ye jabr bhī dekhā hai tārīḳh kī nazroñ ne

lamhoñ ne ḳhatā kī thī sadiyoñ ne sazā paa.ī

ye jabr bhi dekha hai tariKH ki nazron ne

lamhon ne KHata ki thi sadiyon ne saza pai

vo baat saare fasāne meñ jis kā zikr na thā

vo baat un ko bahut nā-gavār guzrī hai

wo baat sare fasane mein jis ka zikr na tha

wo baat un ko bahut na-gawar guzri hai

be-ḳhudī be-sabab nahīñ 'ġhālib'

kuchh to hai jis kī parda-dārī hai

be-KHudi be-sabab nahin 'ghaalib'

kuchh to hai jis ki parda-dari hai

ab udaas phirte ho sardiyoñ kī shāmoñ meñ

is tarah to hotā hai is tarah ke kāmoñ meñ

ab udas phirte ho sardiyon ki shamon mein

is tarah to hota hai is tarah ke kaamon mein

umr to saarī kaTī ishq-e-butāñ meñ 'momin'

āḳhirī vaqt meñ kyā ḳhaak musalmāñ hoñge

umr to sari kaTi ishq-e-butan mein 'momin'

aaKHiri waqt mein kya KHak musalman honge

ik aur dariyā kā sāmnā thā 'munīr' mujh ko

maiñ ek dariyā ke paar utrā to maiñ ne dekhā

ek aur dariya ka samna tha 'munir' mujh ko

main ek dariya ke par utra to main ne dekha

dāman pe koī chhīñT na ḳhanjar pe koī daaġh

tum qatl karo ho ki karāmāt karo ho

daman pe koi chhinT na KHanjar pe koi dagh

tum qatl karo ho ki karamat karo ho

laa.ī hayāt aa.e qazā le chalī chale

apnī ḳhushī na aa.e na apnī ḳhushī chale

lai hayat aae qaza le chali chale

apni KHushi na aae na apni KHushi chale

bāġhbāñ ne aag dī jab āshiyāne ko mire

jin pe takiya thā vahī patte havā dene lage

baghban ne aag di jab aashiyane ko mere

jin pe takiya tha wahi patte hawa dene lage

na maiñ samjhā na aap aa.e kahīñ se

pasīna pochhiye apnī jabīñ se

na main samjha na aap aae kahin se

pasina pochhiye apni jabin se

maiñ ne maanā ki kuchh nahīñ 'ġhālib'

muft haath aa.e to burā kyā hai

main ne mana ki kuchh nahin 'ghaalib'

muft hath aae to bura kya hai

shikast o fat.h miyāñ ittifāq hai lekin

muqābla to dil-e-nā-tavāñ ne ḳhuub kiyā

shikast o fath miyan ittifaq hai lekin

muqabla to dil-e-na-tawan ne KHub kiya

qismat to dekh TuuTī hai jā kar kahāñ kamand

kuchh duur apne haath se jab baam rah gayā

qismat to dekh TuTi hai ja kar kahan kamand

kuchh dur apne hath se jab baam rah gaya

ye bazm-e-mai hai yaañ kotāh-dastī meñ hai mahrūmī

jo baḌh kar ḳhud uThā le haath meñ miinā usī kā hai

ye bazm-e-mai hai yan kotah-dasti mein hai mahrumi

jo baDh kar KHud uTha le hath mein mina usi ka hai

go qayāmat se peshtar na huī

tum na aa.e to kyā sahar na huī

go qayamat se peshtar na hui

tum na aae to kya sahar na hui

itnī na baḌhā pākī-e-dāmāñ kī hikāyat

dāman ko zarā dekh zarā band-e-qabā dekh

itni na baDha paki-e-daman ki hikayat

daman ko zara dekh zara band-e-qaba dekh

charḳh ko kab ye salīqa hai sitamgārī meñ

koī ma.ashūq hai is parda-e-zañgārī meñ

charKH ko kab ye saliqa hai sitamgari mein

koi mashuq hai is parda-e-zangari mein