qismat to dekh TuuTī hai jā kar kahāñ kamand

kuchh duur apne haath se jab baam rah gayā

qismat to dekh TuTi hai ja kar kahan kamand

kuchh dur apne hath se jab baam rah gaya

koī din aage bhī zāhid ajab zamāna thā

har ik mohalle kī masjid sharāb-ḳhāna thā

koi din aage bhi zahid ajab zamana tha

har ek mohalle ki masjid sharab-KHana tha

duniyā meñ ham rahe to ka.ī din pa is tarah

dushman ke ghar meñ jaise koī mehmāñ rahe

duniya mein hum rahe to kai din pa is tarah

dushman ke ghar mein jaise koi mehman rahe

dil se bas haath uThā tū ab ai ishq

deh-e-vīrān par ḳhirāj nahīñ

dil se bas hath uTha tu ab ai ishq

deh-e-viran par KHiraj nahin

maiñ kin āñkhoñ se ye dekhūñ ki saaya saath ho tere

mujhe chalne de aage yā Tuk us ko peshtar le jā

main kin aankhon se ye dekhun ki saya sath ho tere

mujhe chalne de aage ya Tuk us ko peshtar le ja