aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Dhoka

While truthfulness is

one reality, deceit is another. It has an added meaning with respect to lovers. It brings suffering and pain and causes untold misery to them. These verses would take you closer to this experience.

vo zahr detā to sab nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

Akhtar Nazmi

tire va.adoñ pe kahāñ tak mirā dil fareb khaa.e

koī aisā kar bahāna mirī aas TuuT jaa.e

tere wadon pe kahan tak mera dil fareb khae

koi aisa kar bahana meri aas TuT jae

Fana Nizami Kanpuri

bhī saada hai kabhī chaal badaltā nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain

Afzal Khan

zaḳhm lagā kar us bhī kuchh haath khulā

maiñ bhī dhokā khā kar kuchh chālāk huā

zaKHm laga kar us ka bhi kuchh hath khula

main bhi dhoka kha kar kuchh chaalak hua

Zeb Ghauri

jo un ma.asūm āñkhoñ ne diye the

vo dhoke aaj tak maiñ khā rahā huuñ

jo un masum aankhon ne diye the

wo dhoke aaj tak main kha raha hun

Firaq Gorakhpuri

kisī yuuñ to huā kaun umr bhar phir bhī

ye husn o ishq to dhokā hai sab magar phir bhī

kisi ka yun to hua kaun umr bhar phir bhi

ye husn o ishq to dhoka hai sab magar phir bhi

Firaq Gorakhpuri

muddat huī ik shaḳhs ne dil toḌ diyā thā

is vāste apnoñ se mohabbat nahīñ karte

muddat hui ek shaKHs ne dil toD diya tha

is waste apnon se mohabbat nahin karte

Saqi Faruqi

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna

Bashir Badr

ham use yaad bahut ā.eñge

jab use bhī koī Thukrā.egā

hum use yaad bahut aaenge

jab use bhi koi Thukraega

Qateel Shifai

aadmī jaan ke khātā hai mohabbat meñ fareb

ḳhud-farebī mohabbat sila ho jaise

aadmi jaan ke khata hai mohabbat mein fareb

KHud-farebi hi mohabbat ka sila ho jaise

Iqbal Azeem

fāsla nazroñ dhoka bhī to ho saktā hai

vo mile na mile haath baḌhā kar dekho

fasla nazron ka dhoka bhi to ho sakta hai

wo mile ya na mile hath baDha kar dekho

Nida Fazli

aql kahtī hai dobāra āzmānā jahl hai

dil ye kahtā hai fareb-e-dost khāte jā.iye

aql kahti hai dobara aazmana jahl hai

dil ye kahta hai fareb-e-dost khate jaiye

Mahirul Qadri

bāġhbāñ ne aag jab āshiyāne ko mire

jin pe takiya thā vahī patte havā dene lage

baghban ne aag di jab aashiyane ko mere

jin pe takiya tha wahi patte hawa dene lage

Saqib Lakhnavi

dhokā thā nigāhoñ magar ḳhuub thā dhokā

mujh ko tirī nazroñ meñ mohabbat nazar aa.ī

dhoka tha nigahon ka magar KHub tha dhoka

mujh ko teri nazron mein mohabbat nazar aai

Shaukat Thanvi

ahbāb ko de rahā huuñ dhokā

chehre pe ḳhushī sajā rahā huuñ

ahbab ko de raha hun dhoka

chehre pe KHushi saja raha hun

Qateel Shifai

ik baras bhī abhī nahīñ guzrā

kitnī jaldī badal ga.e chehre

ek baras bhi abhi nahin guzra

kitni jaldi badal gae chehre

Kaif Ahmed Siddiqui

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

Lala Madhav Ram Jauhar

mere ba.ad vafā dhokā aur kisī se mat karnā

gaalī degī duniyā tujh ko sar merā jhuk jā.egā

mere baad wafa ka dhoka aur kisi se mat karna

gali degi duniya tujh ko sar mera jhuk jaega

Qateel Shifai

vafāoñ ke badle jafā kar rahe haiñ

maiñ kyā kar rahā huuñ vo kyā kar rahe haiñ

wafaon ke badle jafa kar rahe hain

main kya kar raha hun wo kya kar rahe hain

Behzad Lakhnavi

yaar maiñ itnā bhūkā huuñ

dhokā bhī khā letā huuñ

yar main itna bhuka hun

dhoka bhi kha leta hun

Aks samastipuri

ik safar meñ koī do baar nahīñ luT saktā

ab dobāra tirī chāhat nahīñ saktī

ek safar mein koi do bar nahin luT sakta

ab dobara teri chahat nahin ki ja sakti

Jamal Ehsani

ai mujh ko fareb dene vaale

maiñ tujh pe yaqīn kar chukā huuñ

ai mujh ko fareb dene wale

main tujh pe yaqin kar chuka hun

Athar Nafees

har-chand e'tibār meñ dhoke bhī haiñ magar

ye to nahīñ kisī pe bharosā kiyā na jaa.e

har-chand e'tibar mein dhoke bhi hain magar

ye to nahin kisi pe bharosa kiya na jae

Jan Nisar Akhtar

jin ḳhātir shahr bhī chhoḌā jin ke liye badnām hue

aaj vahī ham se begāne begāne se rahte haiñ

jin ki KHatir shahr bhi chhoDa jin ke liye badnam hue

aaj wahi hum se begane begane se rahte hain

Habib Jalib

kis ne vafā ke naam pe dhokā diyā mujhe

kis se kahūñ ki merā gunahgār kaun hai

kis ne wafa ke nam pe dhoka diya mujhe

kis se kahun ki mera gunahgar kaun hai

Najeeb Ahmad

aise milā hai ham se shanāsā kabhī na thā

vo yuuñ badal jā.egā sochā kabhī na thā

aise mila hai hum se shanasa kabhi na tha

wo yun badal hi jaega socha kabhi na tha

Khumar Farooqui

dikhā.ī detā hai jo kuchh kahīñ vo ḳhvāb na ho

jo sun rahī huuñ vo dhokā na ho samā.at

dikhai deta hai jo kuchh kahin wo KHwab na ho

jo sun rahi hun wo dhoka na ho samaat ka

Fatima Hasan

haath chhuḌā kar jaane vaale

maiñ tujh ko apnā samjhā thā

hath chhuDa kar jaane wale

main tujh ko apna samjha tha

Khalid Moin

gin rahā huuñ harf un ke ahd ke

mujh ko dhokā de rahī hai yaad kyā

gin raha hun harf un ke ahd ke

mujh ko dhoka de rahi hai yaad kya

Aziz Hyderabadi

'ḳhālid' maiñ baat baat pe kahtā thā jis ko jaan

vo shaḳhs āḳhirash mujhe be-jān kar gayā

'KHalid' main baat baat pe kahta tha jis ko jaan

wo shaKHs aaKHirash mujhe be-jaan kar gaya

Khalid Sharif

aksar aisā bhī mohabbat meñ huā kartā hai

ki samajh-būjh ke khā jaatā hai dhokā koī

aksar aisa bhi mohabbat mein hua karta hai

ki samajh-bujh ke kha jata hai dhoka koi

Mazhar Imam

jo baat dil meñ thī us se nahīñ kahī ham ne

vafā ke naam se vo bhī fareb khā jaatā

jo baat dil mein thi us se nahin kahi hum ne

wafa ke nam se wo bhi fareb kha jata

Aziz Hamid Madni

chaman ke rañg-o-bū ne is qadar dhokā diyā mujh ko

ki maiñ ne shauq-e-gul-bosī meñ kāñToñ par zabāñ rakh

chaman ke rang-o-bu ne is qadar dhoka diya mujh ko

ki main ne shauq-e-gul-bosi mein kanTon par zaban rakh di

Akhtar Hoshiyarpuri

mujhī ko parda-e-hastī meñ de rahā hai fareb

vo husn jis ko kiyā jalva-āfrīñ maiñ ne

mujhi ko parda-e-hasti mein de raha hai fareb

wo husn jis ko kiya jalwa-afrin main ne

Akhtar Ali Akhtar

mirā vajūd haqīqat mirā adam dhokā

fanā shakl meñ sar-chashma-e-baqā huuñ maiñ

mera wajud haqiqat mera adam dhoka

fana ki shakl mein sar-chashma-e-baqa hun main

Hadi Machlishahri

mujhe ab aap ne chhoḌā ki maiñ ne

idhar to dekhiye kis ne daġhā

mujhe ab aap ne chhoDa ki main ne

idhar to dekhiye kis ne dagha ki

Lala Madhav Ram Jauhar

ajab nahīñ ki ye dariyā nazar dhokā ho

ajab nahīñ ki koī rāsta nikal aa.e

ajab nahin ki ye dariya nazar ka dhoka ho

ajab nahin ki koi rasta nikal aae

Irfan Siddiqi

ye bhī ik dhokā thā nairañg-e-tilism-e-aql

apnī hastī par bhī hastī huā dhokā mujhe

ye bhi ek dhoka tha nairang-e-tilism-e-aql ka

apni hasti par bhi hasti ka hua dhoka mujhe

Hafeez Jalandhari

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now