Today's top 5 Urdu Shayari

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

ye mohabbat kā fasāna bhī badal jā.egā

vaqt ke saath zamāna bhī badal jā.egā

ye mohabbat ka fasana bhi badal jaega

waqt ke sath zamana bhi badal jaega

jhuk kar salām karne meñ kyā harj hai magar

sar itnā mat jhukāo ki dastār gir paḌe

jhuk kar salam karne mein kya harj hai magar

sar itna mat jhukao ki dastar gir paDe

tū bhī saada hai kabhī chaal badaltā hī nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain

mohabbat kī to koī had, koī sarhad nahīñ hotī

hamāre darmiyāñ ye fāsle, kaise nikal aa.e

mohabbat ki to koi had, koi sarhad nahin hoti

hamare darmiyan ye fasle, kaise nikal aae