Today's top 5 Urdu Shayari

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

ham apnī zindagī to basar kar chuke 'ra.īs'

ye kis kī ziist hai jo basar kar rahe haiñ ham

hum apni zindagi to basar kar chuke 'rais'

ye kis ki zist hai jo basar kar rahe hain hum

kuchh ġhazleñ un zulfoñ par haiñ kuchh ġhazleñ un āñkhoñ par

jaane vaale dost kī ab ik yahī nishānī baaqī hai

kuchh ghazlen un zulfon par hain kuchh ghazlen un aankhon par

jaane wale dost ki ab ek yahi nishani baqi hai

shaam se pahle tirī shaam na hone dūñgā

zindagī maiñ tujhe nākām na hone dūñgā

sham se pahle teri sham na hone dunga

zindagi main tujhe nakaam na hone dunga

gunāhgār ke dil se na bach ke chal zāhid

yahīñ kahīñ tirī jannat bhī paa.ī jaatī hai

gunahgar ke dil se na bach ke chal zahid

yahin kahin teri jannat bhi pai jati hai