aayā basant phuul bhī sho.aloñ meñ Dhal ga.e

maiñ chūmne lagā to mire hoñT jal ga.e

aaya basant phul bhi shoalon mein Dhal gae

main chumne laga to mere honT jal gae

dasht-e-junūñ kī ḳhaak uḌāne vāloñ kī himmat dekho

TuuT chuke haiñ andar se lekin man-mānī baaqī hai

dasht-e-junun ki KHak uDane walon ki himmat dekho

TuT chuke hain andar se lekin man-mani baqi hai

kabhī dikhā de vo manzar jo maiñ ne dekhe nahīñ

kabhī to niind meñ ai ḳhvāb ke farishte aa

kabhi dikha de wo manzar jo main ne dekhe nahin

kabhi to nind mein ai KHwab ke farishte aa

mirī dahlīz par chupke se 'pāshī'

ye kis ne rakh dī merī laash lā kar

meri dahliz par chupke se 'pashi'

ye kis ne rakh di meri lash la kar

terī yaad kā har manzar pas-manzar likhtā rahtā huuñ

dil ko varaq banātā huuñ aur shab bhar likhtā rahtā huuñ

teri yaad ka har manzar pas-manzar likhta rahta hun

dil ko waraq banata hun aur shab bhar likhta rahta hun