Today's top 5 Urdu Shayari

rafta rafta sab tasvīreñ dhundlī hone lagtī haiñ

kitne chehre ek purāne album meñ mar jaate haiñ

rafta rafta sab taswiren dhundli hone lagti hain

kitne chehre ek purane album mein mar jate hain

un kī hasrat bhī nahīñ maiñ bhī nahīñ dil bhī nahīñ

ab to 'beḳhud' hai ye aalam mirī tanhā.ī kā

un ki hasrat bhi nahin main bhi nahin dil bhi nahin

ab to 'beKHud' hai ye aalam meri tanhai ka

'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla

haath rakh kar jo vo pūchhe dil-e-betāb kā haal

ho bhī ārām to kah duuñ mujhe ārām nahīñ

hath rakh kar jo wo puchhe dil-e-betab ka haal

ho bhi aaram to kah dun mujhe aaram nahin

gumshudgī hī asl meñ yaaro rāh-numā.ī kartī hai

raah dikhāne vaale pahle barsoñ raah bhaTakte haiñ

gumshudgi hi asl mein yaro rah-numai karti hai

rah dikhane wale pahle barson rah bhaTakte hain